تعالوا نشوف أمريكا O.O (ولاية وسكانسون)

صباح/ مساء الخير  〰

أيش أخباركم ومع بداية الدوامات و القومة من الصبح ~_~ ...
من زمان عنكم والله ياأني سحبت سحبة مو طبيعية ههههههه 
بس كنت مسافرة ويوم رجعت حوسه النوم والدوامات يلا هانت جت الإجازة هههههه 
المهم كنت مسافرة لامريكا ومن يعرفها الكبير والصغير خلونا ناخذ معلومات عنها قبل ...

قبل ماأتكلم عنها بتكلم عن الفيزا ولازم تسونها بدري أحسن لكم وأحلى شي فيزتهم تجلس 5 سنين ..

أمريكا هي دولة و تتكون من 50 ولاية علشان كذا في علم أمريكا 50 نجمة على عدد الولايات ..
وهي ثالث أو رابع أكبر دولة من حيث المساحة بعد روسيا وكندا و الصين ،
والثالثة من حيث السكان ...
و المناخ في أمريكا يختلف طبعا فيه البارد وفيه الحار 
بس الطريق مره طووويل 13 ساعه في الطيارة 

ورحلتنا ابتدت من السعودية إلى قطر بعدين شيكاغو مشينا من السعودية الى قطر الفجر 

وجلسنا ساعتين في قطر وطرنا إلى شيكاغو وصلنا هناك العصر 

وكملنا رحلتنا الى ولاية وسكانسون تبعد عن شكاغو 3 ساعات

الولاية فيها كذا مدينة بس إحنا سكنا في مدينة ماديسون 
وهي توجد في الجزء الجنوبي من الولاية جلسنا فيها رمضان كله 

طبعا إحنا رحنا من رمضان يعني صمنا هناك ...

وكان الوقت طويييل جدا يأذن المغرب الساعه 9 تقريبا والفجر الساعه 4 يعني مافيه وقت

تاكلوا لان الساعه 10 او 10 ونص وقت التراويح 

و بعتبار إن الوقت طويل تسوا كل أشغالكم ولسى الوقت ماخلص 

بس مع ذلك كان الجو مره حلو كنا نطلع ونتمشى ساعات ولا نتعب أو نعطش 

لان الجو مررره جميل مو حار 

كنا مستاجرين شقة على البحيرة جميله وكبيرة  ^o^

وهذه إطلالة الشقة شوفوا البيحرة هناك ... 

هذه صورة البحيرة وشوفوا الغيوم سبحان الله كأنهم رسم 

جوهم صافي والسماء صافيه ...

طبعا مدينة ماديسون أمان أمان لابعد حد ..

مره من المرات رحنا نشتري المهم طاحت محفظة أخوي وفيها بطاقة صراف 

والصراف هم تحسب بعض الاحيان بدون رقم سري أو توقيع أو بدون شي ...

ودورنها في كل مكان و نروح نسأل اللي إشترينا منهم يقولوا مافية 

طبعا إحنا اشترينا من مبنى هو ملك للجامعة يعني تبع الجامعة فيه مطاعم و مقاهي 

و أمكان تجلسوا فيه المهم رحنا للامانات تبع المبنى ولقينا المحفظة جواتها البطاقة ...

يعني المدينة جدا جميلة ومثل ماقلت لكم أمان بعد الله طبعا .

واللي عجبني فيها كمان أهلها طيبين جدا ويبتسمون إذا شافوك 

والبحيرة فيها بط أشكالهم تجنن يمشوا وراء بعض ...
وهذه من جهه ثانية للبيحرة كلها أشجار وفيه ممشى على البيحرة ...

وهذا الممشى اللي قلت لكم 

بالصراحة كنت أصحى الصباح و أروح أتمشى فيه 

وبعض اللي يمشوا يسلموا عليك طبعا الكبار هم اللي يسلموا 

الشباب مايسلموا 

وهذه الجلسات اللي قلت لكم عليها ...

وبعض الاحيان نطلع برا نفطر في رمضان ...

بس مع كل الخضار اللي عندهم والزرع اللي يفتح النفس 

بس مو كل شي كامل والكامل وجه الله ...

يعني ماتقدروا تجلسوا بالليل في حديقة لانه أول ماتبدأ تغرب الشمس 

يجي الناموس ولا تقدروا تجلسوا منه 

وفيه بخاخات تباع عندهم بس ماتجيب نتيجة مع الناموس 

وجربنا كل الطرق بس مافية فايدة الناموسه قارصتك قارصتك هههه

وهذا الاسكريم لذيذ الصراحة هذا جواأحد المباني اللي على البحيرة 

عجبتني هذه المجسمات ....

وهذا الطريق كله وسط المدينة أو مثل مايسمونه بالانجليزي (الداون تاون )

والبيت الأبيض الي في أخر الصورة هذا مثل ماتقولوا تبع حكومة المدينة أو زي كذا 

وهذا البيت الابيض من قريب ...

هو له اسم بس نسيت اسمه ...

وهذا سوق السبت كل يوم سبت فيه للمزارعين 

خضار، فواكة ، خبز ،

يكون عند البيت الأبيض ...

من قريب ...

ترا القرع من جوا فاضي هذه بس شكل يعني ...

هذا أنواع من الفطر ...

حتى العسل يبعوا ويقولوا أنه طبيعي 100% 

مافيه مواد صناعيه ...

شوفوا أشكالههم تجنن 

يشجع على الأكل مع أني مااحب العسل ولا ريحته بس تحمست 

علشان شكله ههههه 

مرة من المرات رحنا لسوق السبت المهم 

ماكانوا حاطين بيع خضار وفواكة وكذا 

كانوا مسوين معارض تحف وأشغال يدوية للبيع 

شوفوا كيف الشغل صراحة ابداع والشغل متقن 

هذا شغل يدوي كله شغلهم مو أي كلام لا مره جميل 

حبيت لوحاتهم حسيتها غريبة عن العادة ...

جالسين يرسموا على السيارة ...

أنا ماضحكني الا الشنب تحفة هههههههه 

مدري كيف موقفه كذا ثابت مايتحرك ...

وبالنهاية أرجوا أنكم استمتعتم ..

دمتم بخير ❤